Tsuki-Yama

За түрүүчийн хагассайн өдөр чинь Спорт клубын нээлт гээд спортоор амьсгаллаа ш д. Сайхан гулгаж, Сагс тоглож, CS буудаж, Ганц бар намначаад харисөөн. Бие сэтгэл сэргээд сайхан байсөөн.

За тэр яахуу өчигдөр орой ажил ихтэй ажил дээр нилээн суугаад тэгсэн эхнэртэйгээ чатлаж байгаад буруу ойлгоод балрах дөхөв.

Манай хүн:

Хонгор нь гарлаа.

Би:

Айн ? Хаашаа гарахнуу ?

Манай хүн:

Гарлаа шүү

За яриарай

КИСС

Би:

Хөөе хаашаа хэнтэй гарахгээд байгаан (Зулзагатайн байжийж хар хүйтэнд хаачих гээд байгаа золиг вэ? за хэн уруу татаад байгаан бол гэж бухимдуу бодов) 

Манай хүн:

Би том өрөөнд очиж зурагт үзлээ.  

Гэвэл яахуу. Буруу ойлгоод балардаг байна ш д. Миний муу зулзага чинь нээрээ хаачвал гэж дээ тэ. Үнжи даа. 

За аалзны тор гэхээр ямар том аалзны тор вэ ? энэ тэр гээд гайхаад байв. Интернетийг хэлж байгаам шүү. Мэдэхгүй бол мэдэж аваарай. Эрт дээр үед нэг лам ирээдүйд энэ дэлхий аалзны тороор бүрхүүлэх болно гэсэн юм гэнэ лээ. Тэр нь тэгээд интернетийг хэлж байсан юм байх.

Аалзны торонд аюулгүй зорчино гэдэг бол одоо нилээн тулгамдсан асуудлын нэг шүү дээ. Ялангуяа манайханд бол бүүр ч хэцүү. Учир нь бүгд ПИРАТ үйлдлийн систем, анти вирус, програмууд ашигладаг. Ядаж байхад аалзны торны хамаг л болохгүй газар, нүх сүврүү орох дуртай лүднүүд байгаам шүү дээ.

За тэгээд тэндээсээ бөөсдчихсөн гараад ирнэ, өөрсдөө ч мэдэхгүй. Хэрэглэж байгаа хамаг юмных нь хугацаа нь дуусаад, хар дансанд ороод, ажиллаж амисгалхаа болино шүү дээ. За өөрийн туршлагаас хэдэн зүйлийг хэрэгт дуртай сониуч нөхдүүдэд хуваалцая гэж бодов. 

Би хувьдаа бол аюулгүй байдалдаа тунчиг анхаарч хөдөлмөрийн аюулгүй байдлын журмыг айхтар мөрддөг хүн шүү дээ. Яаж ийж байгаад ориг виндовс олоод авсан бас ориг антивирус олоод авчихсан. Гэхдээ одоо Windows гэдэг үйлдлийн систем огтхонч ашиглахгүй байгаа. Харин UBUNTU гэж үйлдлийн систем ашиглаж байгаа. Ер нь бол WINDOWS оос дутахгүй ээ. 

За WINDOWS гэдэг унаа ашиглан ААЛЗНЫ ТОРООР зорчдог хүмүүс аан гээд уун гэж бай. Хэрэгтэй хэдэн юм хэлэх гэж байна.

Нэг үнэгүй АнтиВирус програм байнаа цаана чинь. Нэрийг нь AVAST гэдэг юм. Энийг суулгаад байнга ТОРДООД (UPDATE хийх) байвал ач тусаа ихээр өгнө шүү. Тэр KASPERSKY, BITDEFENDER зэргээс бол дутахгүй, илүү ч байж магад.

MALWAREBYTES гээд нэг юм байна. Янз бүрийн вирус, хорлон сүйтгэх зориулалттай програмуудын эрлэг. Энийг суулгаад ТОРДООД байвал AVAST ахтайгаа нийлж байгаад WINDOWS ийг харин ч нэг цэвэрлэнэ шүү дээ.

Дараагийн програм бол SPYWARE BLASTER гээд юм байна. Энэ бол Интернет хөтчийн (BROWSER: FIREFOX, INTERNET EXPLORER зэрэг)  чинь аюулгүй байдлыг бүрэн хангана шүү дээ. Хууль бус вэб сайтуудад ихээхэн хэмжээний тагнах зориулалттай (COOKIE) зүйлүүд байдаг. Тэдгээрээс хамгаалах зориулалттай. Таны PC ний энхийн манаанд найдвартай зогсоно шүү дээ. Гол нь бас сайн тордох хэрэгтэй.

Энэ гурван програмыг суулгаад ажиллуулчихсан байхад PC ний чинь дархлааны систем хамгийн сайн байх болно. Дараа нэг бүрчлэн заавар бэлдэж бичлэг болгож оруулна. Тэрнээс өмнө өөрсдөө сонирхмоор байвал холбоосыг доор оруулсан байгаа шүү. Тэндээс татаад татаад авцагаачихана биз. ЭХ ОРНЫ ХИЛ АМГАЛАН ТАЙВАН БАЙГ 

AVAST antivirus download

MALWAREBYTES download

SPYWARE BLASTER download

Зиак. Бичлэг бичээгүй удсан байна шүү. Эргээд жаахан юм бичиж эхэлнээ. Гэхдээ одоо ганцаардал, уйтгар гунигийн талаар бичихгүй ээ. Бичих ч үндэс алга. Тэгээд тэрийгээ бичихгүй гэхлээр бичих юмгүй болчих юм.

Та нар сайн уу? би сайн. Ингээд л бичих юмгүй болчихож байгаам.  Саяын амралтын өдрүүдээр ч сайхан амарлаа шүү. Зулзагаа эрхлүүлээд л, үнэхээр сайхан амарсоон. Нэг их удахгүй зулзага маань гархаар 2 зулзагатай болох юм байлгүй дээ. 

Зулзагаа саначлаа шүү золиг гэж. Би чинь архаг тоглоомчин байсан хүн шүү дээ. Сурсан юмыг сураар боож л байгаа гэхдээ долоо хоногт дор хаяж гурван цагийг бол сайхан наадаж өнгөрөөнөө. Гэхдээ садаа мундайхгүй шүү. Ээж байна, аав байна, бас зулзага байна. Багахан хэмжээний эрх ашгийн тэмцэл өрнөнө л дөө. 

Зулзагадаа моцартын хэдэн концерт татаад өгчихсөн гэдсэнд байхдаа сонсож байвал сайн гэсэн. Хамт сонсохоор ёстой нам унтаж байгаам. Классик юм ч цаанаа л өөр юм байна лээ. Урд шөнө зулзага тонгочсонуу ? хөрвөөсөн үү ? яасан мэдкүү? ээжийнх нь гэдэс нь нилээн томбойцон байсан шүү.

Бид хоёр ч жаахан сандарсоон.  Тэгсэн угаасаа тэгдийн гэнэ. Жаахан илээд бүүвэйлчүүл зүгээр болчдог гэнэ. Яасан ч олон зулзага гээд биччив дээ. Бүүр төөрөөд мангар болчлоо. Эхнэрээ өхөөрдөөд зулзага гэдэг байхгүй юу, бас удахгүй төрөх үрээ зулзага гэдийн. Жаахан салгаж ялгаж өхөөрдөхгүй бол асуудал үүсч магад.

Энэ талаар сайн бодож байгаад дараа бичнээ.

Цагаан сар ч боллоо. Өнөөдөр бууз хийнэ гэсэн. Шууд нойр хүрч байна шүү. Хэд хүртэл бууз хийхийн болдоо. Гялс хийгээд л гялс унтмаар байна шүү. 

Давкагийн бичлэгийг уншсан чинь их л гомдсон юмуу ? яасан ч юм бэ ? баахан уйлагначихсан байх юм. Эвий эвий битгий уйл, ах нь одоохон ганц хоёр юм  бичээдхэе за юу.

Нар сайхан гийсэн энэ өдөр хайрт ханийн минь төрсөн өдөр болж буй учир ханьдаа зориулж үлгэр өгүүлсүү.

Энэ үлгэр ингэж эхэлсэн ажгуу:

Энэ хорвоод Tsuki хэмээх нэгэн залуу элэг бүтэн энх тунх амьдарч байв. Нас бие гүйцэж эрийн цээнд хүрсэнээс хойш нижгээд хэдэн жил өнгөрсөн ч ганц биеээрээ хорвоогийн өдөр хоногийг элээсээр байв. Хосоороо амьдардаг хорвоод мань залуу ганцаараа явах тусам, сэтгэлийн зовлон, ганцаардал гунихрал түүнийг улам л нөмрөх ажгуу.

Аргаа барсан тэрбээр учирлын бурханд залбирч хүслийг нь биелүүлж өгөхийг гуйжээ. Учирлын бурхан түүний үгийг сонсоод, өөрт ирсэн хүслийн жагсаалтын хамгийн доор нь биччихэв. Юм гэдэг чинь ойчор дараатай байдаг хойно доо.

Өдөр хоногууд өнгөсөөр байсан ч түүний хүсэл биелэх шинж алга. Тэсхээ байсан хөөрхий залуу учирлын бурханд хилэгнэх болов. 

Сэтгэлээн тайтгаруулж, түр ч гэсэн бүгдийг мартахын тулд зугаа цэнгэл, найр наадамаас татгалзахаа байсан ажгуу. 

Хангал дошгин хүлэг шиг жолоогүй байхын дээр, сархадыг сав саваар нь залгиж, арслан бар мэт архирч, атганд таарсан бүгдийг тасартал базаж явлаа. (Уран сайхны халилаа гэж ;D)

Учирлын бурхан уурсан хилэгнэн: Цагийн юм цагтаа гэж мэддэггүй яасан моньд вэ ? хэмээгээд хэн ч тоохооргүй мангас болгон хувиргажээ. Залуу хэсэг хугацаанд оромжноосоо ч гаралгүй, харуусахын дээдээр харуусч, амьдралын элдэв нугачааг эргэцүүлэн суусан гэдэг.

Нэгэн өдөр мангас өдөр болгон хийдэг ажлаа хийн явж байтал баатар сайн анд нөхөр нь таарч гэнэ. Анд нөхөр нь түүнийг танисан мангас баярлаж 3 н өдөр 3 н шөнө хуучлан суув гэнэ. Баатар сайн анд нь түүний учрыг мэдээд түүнд нэгэн шидэт цагаан өд өгөв гэнэ.  Жинхэнэ хайр дурлалаа олсон цагт энэ өд амьдралыг туулах жигүүр чинь болох болно гэж хэлээд яван одов гэнэ.

Мангас элдвийг бодон шаналж, гунихрахаан больж өөрийг нь хайрлах хүн энэ хорвоод байгаа гэдэгт итгэн амьдрах болж. Өдөр ирэх тусам түүний өд нь бага багаар жигүүр болон хувирч байв.

Учирлын бурхан Tsuki ийн хүслийг биелүүлэх ээлж нь ирсэн байлаа.  Биелүүлхээсээ өмнө өөрчлөгдөж үү ? үгүй юу ? нэг хараатхая гэж бодоод түүнийг 7 өдөр 7 шөнө ажиглахад үнэхээр өөрчлөгдсөн байж гэнэ.

Учирлын бурхан түүнийг буцаан хүн болгож хувиргаад түүний хүслийг биелүүлж, Энэрэл хэмээх нэгэн бүсгүйтэй учруулж гэнээ. Ийнхүү энэ хорвоод нэгэн хос мэндэлсэн бөгөөд, өдийг хүртэл, хааяаа нэг маргалддагийг эс тооцвол, энх тунх, аз жаргалтай амар сайхан амьдарч байгаа гэнээ.

Хайртдаа төрсөн өдрийн мэнд хүргээд, үнсдэг газрууд дээрээ үслээ шүү ;p.

Энэ нэг айхтар ханиад гараад баллаж байна аа. Эхэндээ гахайны ханиад гэж явж байсын, тэгсэн гахайнаас яг тусаад байна гэсэн нотолгоо байхгүй болохоор хүний ханиад болчихож байгаам. Тэгсэн саяхан нэг муур бас тэр ханиадыг нь туссым байх, удахгүй муурны ханиад болох байлгүй. 

Манай олон нийтийн телевизийнхэн "Гахайны ханиад" биш "Хүний ханиад" гэх болсоныг мэдээгүй л байгаа бололтой юм, "Гахайны ханиад" гэж ирээд л баахан юм ярих. Нэвтрүүлэх, бичих юмныхаа талаар жаахан ч гэсэн судалгаа, шинжилгээ хийдэггүй бололтой юм.

За одоо бүгд л маск зүүх болж. Энэ ер нь зөвч юмуу? буруу ч юмуу?. Уул шугамандаа бол эрүүл хүн маск зүүх шаардлагагүй юм байгаам ш д. Ханиад томуу туссан күмс, эсвэл ханиад томуутай хүнтэй харьцах үедээ маск зүүх хэрэгтэй гэж байгаам ш д.

Мянга ярихаар үнэн болдог гэдэг шиг сүүлдээ сэтгэл дагаад зүүмээр ч юм шиг санагдаад л байх юм. Хоол ундаа сайн идээд, амралтаа сайхан зохицуулаад байхад л хангалттай гэж байгаам. За тэгээд маск зүүлээ гэж бодход их учиртай зүүх хэрэгтэй.

Ээлжийн 5-6 масктай байх хэрэгтэй. Тэрийгээ хоёр цаг тутамд сольж зүүнэ. Зүүснийгээ тусгай уутанд хийх хэрэгтэй. Тэгээд орой хариад тэрийгээ сайхан угаагаад ариутгаад хатаагаад маргааш нь зүүх нь байна ш дээ. Тэгсэн күмс бол өдөржингөө нэг маск зүүгээстэй.

Тэр чинь тэгээд эрүүл саруул байлгана гэж бодож байна уу? Харин ч тусах магадлалыг нь өндөрсгөнө гэж байгаам ш д. Хүний шүлсний дуслаар халдварладаг учир удаан маск зүүх юм бол нөгөө дуслууд чинь хуралдаад өвчин тусах магадлалыг өндөрсгөх нь байна ш дээ.

За тэгээд байгууллагууд маскгүй бол оруулахгүй энэ тэр гэдэг болчихож. Тэгсэн яасан күмс орохдоо маскаа зүүж харуулчаад орсоныхоо дараа аваад кармаалчихаж байгаам. Би ч гэсэн тэгж л байгаа. Одоо бүүр үнэмлэх, пропуск болцон. Маскаа үзүүлээд орно. Маскаа үзүүлээд гарна.

Уул нь ийм зориулалттай эд биш юм байгаам ш д. Ер нь тэгээд маск энэ тэр гэж худлаа дүр эсгэж байхаар, ариун цэврийн тал дээр байгууллагууд анхаарвал илүү үр дүнгээ өгнө шүү. 2 - 3 цагийн зайтай нойлын өрөө, оффисын өрөөний хаалганы бариулуудыг цэвэрлээд ариутгаад байвал илүү л үр дүнтэй байх.

Огт худлаа юм ярьж онхолдоогүй шүү. Олон улсын эрүүл мэндийн байгууллагын сайтаар нэг шагайчихаарай. Тэнд чинь байгууллага, хувь хүнд зориулсан заавар, зөвлөгөө бүгд байна лээ. Ядаж тэрийг харчихмаар юм.

WHO  -- ийшээ ороод үзнэ биз.

За тэгээд бүгдэд нь эрүүл саруул, энх тунх байхын ерөөлийг дэвшүүлэе.

Сайн байцгаана уу? 

Joomla 1.5 д зориулсан Google Analytic Plugin -ийг та бүхэнд танилцуулах гэж байна. Мэдээж үүнтэй төстэй Plugin ууд зөндөө байгаа. Гэхдээ энэ plugin маань өөрийн гэсэн онцлогтой юм.  Хэрэглэхэд хялбар байхаар бодож хийсэн. Дээрээс нь танд зөвхөн хэрэглэгчдийг (True visitors) track хийх боломжийг олгодог. Гадагшаа чиглэсэн холбоос, хайлт, алдааны хуудсуудыг мөрдөх боломжийг бас олгоно. Хэрэв та хүсвэл хэрэглэгчдийн группийг мөрдөлтөөс хасч болно. Жишээ нь: Та administrator эсвэл super administrator ийг мөрдөхийг хүсэхгүй байгаа бол тохиргооны хуудсанд чагтлаад л болох болно.

Энэ plugin маань Joomla Extension Directory д багтсан байгаа бөгөөд хүсвэл сэтгэгдэл үнэлэмж өгч болох юм. Бид цаашид уг бүтээгдэхүүнээ өшөө илүү олон боломжтой болгох, хэрэглэхэд илүү хялбар байлгахын тулд хичээн ажиллаж байна.

Хэрэглээд үзээрэй та бүхэнд таалагдана гэж бодож байна. 

Татаж авах.

Бидний тухай илүү эхийг та эндээс мэдэж авч болно.

Өнөөдөр орж байгаа цаснаас өмнө цас орсон л доо. Гэхдээ хувьдаа тэдгээрийг анхны цас гэж бодоогүй. Учир нь жаахан чанарын шаардлага хангаагүй л дээ . Харин өнөөдөр яг энэ мөчид орж байгаа цас бол миний хувьд анхны цас юм. Анхны цас бидэнд юу мэдрүүлдэг билээ дээ ?  тэр бүгдийг би одоо мэдэрч байна.

Анхны цас гэнэт орсон шигээ бас надад гэнэтийн бэлгийг авчирсан юм. Анх удаа амьдралдаа чин сэтгэлээ илэрхийлсэн захидлыг хайрт хонгорхон бүсгүйгээсээ авлаа. Амьдралдаа хэзээч ийм жаргалтай байж үзсэнгүй ээ. Хайрлах, хайрлуулах хүнтэй байх үнэхээр сайхан юмаа. 

Хэзээ нэгэн цагт насныхаа хайр дурлалтай учирч, хамт баясаж, хамт зовж, амьдралын ээдрээ нугачааг хамтдаа туулсаар өнө мөнхийг хүрнэ дээ гэж боддог байлаа. Харин одоо энэ бүхнийг туулан өнө мөнхийг хүрэх зам маань нэгэнт эхэлжээ.

Тиймээ, энэ бичлэгийг би хайртынхаа захианы хариу болгон бичиж байна.

Эмээ өвөө болчоод хоюулаа гудамжаар хөтлөлцөн алхаж, бие биенээ зөөлхөн үнсэж, кино үзэж, цэцэг чамдаа бэлэглэж, паб д суугаад пиав уунгаа хайрын тухай яринаа. ;D

Чамдаа хязгааргүй хайртай шүү.

БИЕ СЭТГЭЛ МИНЬ ЗӨВХӨН ЧИНИЙХ БАЙХ БОЛНОО.

Өгсөн амлалт, тавьсан тангарагийг минь анхны цас, энэ бичлэгийг унших хүн болгон гэрчилэг.

Яг одоо энэ цас бидний сэтгэл зүрхийг холбож, чин хайрыг минь гэрчилж байгаа шиг, жил бүрийн анхны цас бидний хайрыг баталж, чи бидний сэтгэл зүрхийг холбож байг.

Цас хаялсаар . . . . 

Намар цаг хаяанд ирээд хаалга тогших болж дээ. Хорвоо ертөнц гэж сонин юм шүү. Өчигдөрхөн л ногоон байсан модод өнөөдөр гэхэд хувцасаа сольчихсон байх юм. Бодоход, хавар бидэнд сэтгэл догдлол, хайр сэтгэлийг авчирдаг бол харин намар бидэнд уйтгар гуниг, ганцаардлыг авчирдаг юм шиг.

Өглөө гарахад л намрын салхи, баяр баясал, хөөрч догдолсон сэтгэлийг минь үлээх мэт хийсгэн одох шиг. Цаанаа л нэг зэврүүн, хүйтэн хөндий мэдрэмж. Оюутан насанд гудамжаар алхаж явахдаа эргэн тойронд шарлах моддыг харан, хөл доор минь хөглөрөх  навчисын шаржигнах чимээг сонсоод нэг л их хөндүүрлэн уртаар санаа алддаг байж билээ.

Ертөнцөд мөнх зүйл гэж байдаггүйг, ирсэн шигээ буцдаг гэдгийг, эхлэл байхад төгсгөл байдаг гэдгийг ойлгуулах шиг. Хэдий бид энийг ухаараагүй ч гэсэн өөрийн эрхгүй санаа алдан уйтгарладаг бололтой юм. Өөрийн эрхгүй л тэртээх он жилүүд дурсагдаж, нүдний өмнө зурайдагсан.

Гэхдээ энэ намар нэг л өөр байна. Хэдийгээр намар байгаль дэлхийг нөмрөн авсан хэдий ч миний сэтгэлийн хавар дуусаагүй байна. Дуусах ч биш дөнгөж эхлэж байна. Гадаа навчис шаралсан ч сэтгэл зүрх минь нов ногооноороо дөнгөж соёолж байна.

Амьдрах сайхаан.

Эрхэм уншигчдад энэ өдрийн мэндийг өөрийн зүгээс хүргэж байна. Наадмын маргааш намар гэдэгчилэн намар цаг ирж буйг илэрхийлэн ойрноос сэрүүн салхи салхилж байна. Үүнтэй холбоотойгоор таньж мэдэх хүмүүс мэр сэр эмгэгт өртөх болов . Та бүхэн намрын бэлтгэлээ эртнээс базааж хувцас хунараа зузаалбаас аливаа эмгэг өвчнөөс холуур байхын дээр сэтгэл тэнэгэр, амжилт бүтээлээр дүүрэн байх болно гэж мөхөс би сэтгэнэм.

Олон юм нуршиж, та бүхнийг чилээлгүй гол зүйлдээ ороё. Хөгийн ч гэмээр, хөгжилтэй ч гэмээр нэгэн явдалыг та бүхэнд хүргэе гэж бодов. Энэ зуны "Play Time" үзчихээд гэрийн зүг хөдөлж байх үед тохиолдсон явдал л даа. Халдвартаас хороолол орох автобусанд суулаа. Хоёр том цүнхтэй юмаа /Майхан, Хөнжил гудас, Хувцас хунар гэх мэт зүйлс/ газар тавиад тухлаад суулаа.

Халдвартаас автобусанд сууж байгаа Ихэнхи хүмүүс бол "Нарантуул" худалдааны төвд ажил амьдарлаа залгуулдаг хүмүүс байдаг. Их л тав тухгүй орчин тухайн үед бүрдээтэхлээ. 4 - 5 н согтуу хөгшчүүл, идэр насны харчууд орж ирээд суучлаа даа. Кондуктор эгч маань ч нэг их мөнгө төгрөгөө нэхсэнгүй 'томоотой байгаарай' гэж ганц үг хэлчээд яваад өгөв. Бодвол таньдаг бололтой юм.

Төд өдөлгүй хоёр нь хоорондоо муудалцаад эхлэв, согтуу л болсон хойно, нөгөө ухамсар, ёс суртахуун гэдэг хүлээс нь мэдээж байхгүй шүү дээ. Нэг нэгнийгээ ална хядна дээрээ тулаад, удалгүй зодолдов оо. Тэгсэн ко эгч хүрч ирээд хоюуланг тас тас алгадаатахсан чинь нам болдог байна шүү. Яг л нэг цэцэрлэгийн багш, үймүүлсэн нөхдүүдийг алгадаад авч байгаа юм шиг харагдав. Болохгүй байсан нэгийг нь хөөгөөд буулгачихав.

Тэгсэн удалгүй дахиад зодолдоод унав бүр 3 уулаа шүү. Ко эгч таван салаа боов амтлуулахаар гүйгээд ирлээ дээ. Тас няс хийгээд л явчихав. Би яасын ? энэ чинь өөрөө л болохгүй байсан ш д гэж хэлэх нь яг л цэцэрлэгийн хүүхэд. Тэгсэн нэгийг нь бүүр айхтар нүдээд, алгадаад уналаа шүү. Би ч гайхаад л арай хэтэрч байна гэж бодоод юм хэлэхийн завдалгүй эгч хүү тачигнадаг байгаа.

Тэгсэн мань хүн хэлгүй болж жүжиглээд, яг зодоон болсон чинь хараагаад, яриад унаж л дээ. Тэрэнд их дургүй нь хүрсэн бололтой. Энэ бүхний дараа тэр хэдийн хажууд сууж байсан өвгөн КО эгчийг шүүмжилж гарав аа. Чи яагаад иймэрхүү юмнуудыг суулгдаг юм бэ ? иймэрхүү юм болж байгаа нь чиний л буруу! зорчигчдын тав тухыг алдууллаа ! чи ер нь суулгахгүй байх ёстой юм байгаа биз дээ гээд л, яншиж гарав аа.

КО эгч бууж өгсөнгүй 'Таниар заалгахгүй ! дуугай бай ' гээд л хэсэг маргалдав. Тухайн үед бол их л тавгүй, тухгүй нөхцөл байдал үүслээ дээ. Удалгүй өвгөн буугаа явчихав. Тэгсэн нэг согтуу нь 'миний тортой юм алга' гэжийнэ. Дахиад л нөгөө 3 чинь зодолдоод унав. Чи авсан би авсан дээрээ тулж байна.

Тэгсэн нөгөө КО эгчтэй үзэлцээд байсан өвгөн аваад бууцан байвал яах уу? Лут зальтай өвгөн байна лээ дээ. Сайн хүний дүр эсгэж анхаарал сарниулаад л, буухдаа хүний юм аваад буучихсан байгаа юм. Төд удалгүй гэрийн гадаа бууснаар тэр эвгүй, тухгүй мэдрэмжээс салж билээ. 

Сүүлийн хэдэн сар юм бичсэнгүй шүү. Ганц хоёр юмны талаар бичиж салхи оруулая байз. Саяхан зурагтаар хүүхдийн ПОЛО тэмцээн гарч байхтай зэрэгцэн хөтлөгчийн хэлсэн хэдэн үг хэд хоног юм бодоход хүргэв. Хөтлөгч маань монгол ард түмний маань соёл, ёс зашил мартагдаж байгаад их л сэтгэл эмзэглэн ярьж байх юм.

Ямар сайндаа л нэгэн бяцхан хүү "энэ морьноос ямар хүүхэд гарах бол?" гэж эцэг эхээсээ асууж байсан талаар ярьж байхав. Бодоод байхад үнэхээр л сэтгэл эмзэглэхгүй байхын аргагүй юм. Ёс заншил, өв уламжлалаа мартаж байгаа нь үндэс угсаагаа мартаж байгаатай ижил. Цаашлаад Өвөг дээдэс, гарал үүсэл гэхээр Чингис, Монгол гэсэн хоёрхон үгнээс хэтэрхээ болих янзтай.

Энэ бүхний үндэс нь юу вэ ? гээд бодоод үзэе л дээ. Үр үндэс болсон бяцхан монгочууд маань яаж хүмүүжиж, яаж боловсорч байгаатай салшгүй холбоотой гэж бодох юм. Эцэг эх, багш сурган хүмүүжүүлэгчидтэй ихээхэн холбоотой. Дээрээс нь бидний хэт баруунжиж байгаа, хот сууринруу чиглэсэн хөдөлгөөн зэргээс болж байна гэж мунхаг би бодов.

Би бага байхдаа шагайгаар наадаж, оньсого тааж, үлгэр яриулж, хонь хургатай ноцолдож өсч байлаа. Ядахдаа жилдээ 3 сар хөдөө хээр байх боломж олддог байсан юм. Харин одоо хүүхдүүдэд маань сургууль, цэцэрлэг, бэлтгэл ангид нь юу зааж байна. Одоо лав морь уралдуулж, шагай нясалж, яст мэлхий өрж тоглох байтугай ганцын ширхэг шагайч цэцэрлэгт байхгүй байгаа байх. Үүний оронд нөгөө л барууны хэдэн тоглоом байгаа даа.

Манай залуу үеийнхэн дунд бас энэ талаар мэдэх хүн хичнээн байгаа билээ, адаглаад дээлээ яаж эвхдэгийг мэдэхгүй хүнтэй нилээн л таарах болж. Энэ чинь юу болж байна таминь минь. Бодох л асуудал. Үр хүүхэд, хойч үе маань Чингис, Монгол гэсэн хоёрхон үгэнд л үндэс угсаа, ёс заншил, өв уламжлалаа багтааж өсөх нь зөв үү !!! 

Малаа ялгахгүй, түүхээ мэдэхгүй, ёс заншил, өв уламжлалаа мэдэхгүй өснө гэдэг тунчиг эмгэнэлтэй бөгөөд харамсалтай. Хэрвээ энэ бүгдийг хойч үедээ үлдээхгүй орхигдуулах аваас монгол улс оршин тогтносоор байсан ч оршихгүй байгаатай ижил болох бусуу. "Түүхээ мэдэхгүй хүмүүн, ойд төөрсөн сармагчинтай ижил" гэж үг байдаг.

Энэ үгний утгыг ухан бодовоос ихээхэн гүн агуулгатай нь харагдаж байна. Сармагчин ойд төөрнө гэж байх уу ? энэ нь цаагуураа сүйрэл гэсэн утга санаа агуулж байна гэж ойлговол буруудахгүй биз. 

White Snow - Eru

Анх хайр гэдэг зүйлийг мэдэрсэнээс хойш их хугацаа өнгөрчээ. Хүн бүрийн л адил зовлон шаналал, аз жаргалыг мэдэрсэн. Маш их зүйлийг ч ойлгож авсан. Бүтэлгүйтэх болгондоо маш их шаналал харууслыг мэдэрдэг байлаа.

Сүүлдээ энэ бүхнийг мэдрэхгүйг хичээж, энэ мэдрэмжийг зүгээр л алгасдаг байлаа. Эцсийн бүлэгт хэзээ нэгэн цагт хэн нэгнийг үнэхээр хайрлаж чадах болов уу ? би энэ хайр гэдэг зүйлийг дахиад мэдрэх болов уу ? гэж бодон, эргэлзэх болсон.

Сэтгэл зүрх минь хүйтэн чулуу мэт болсны дээр нэгэнт дүрэлзэн асахаасаа өнгөрсөн мэт санагдаж байв. Гэвч итгэл гэдэг зүйл үргэлж хүнд тэмүүлэл авчирч, цааш хөдлөх хүч хайрлаж байх юм даа.Тийм ч учраас би энэ итгэл хэмээх бяцхан очийг сэтгэлдээн тээж, өдийг хүртэл найдсаар ирсэн юм. Үгүй, найдах биш юм, хүлээсээр ирсэн . . . .

Хэзээ нэгэн цагт зүрх сэтгэлийг минь дүрэлзэн шатхад хүргэх тэр л учирлыг хүлээсээр ирсэн. Харин одоо бол зүрх сэтгэл минь дүрэлзэн шатаж байна. Хэзээ ч хөрж байгаагүй юм шиг. Хэзээ ч хагацал үзээгүй юм шиг.Бас хэзээ ч дурлаж байгаагүй юм шиг. Яг л анхны удаа юм шиг.

Одоо надад өнгөрсөн дурсамжууд хэрэггүй ээ. Өнгөрсөнд туулсан бүхэн өнгөрсөндөө л үлдэж, сэтгэл зүрхэнд минь зай болон холдон одог. Ганцхан чи минь л сэтгэл зүрхэнд минь байг. Зүрх сэтгэл минь зөвхөн чиний төлөө цохилж, чиний төлөө дүрэлзэхийг хүсч байна. Их удаан хүлээж, их удаан хайсан болохоор . . .

Би чамайг алдахыг, явуулахыг хүсэхгүй байна.
Тиймээс юу ч болж байсан, би чамайг тавихгүй ээ.

Ажлаасаа гарцоон цаадах чинь. Тэгээд тэр дороо ажил хөөцөлдөх гэснээ бас больцон. Хэсэг хугацаанд юу ч хийхгүй байж үзмээр санагдаад. Ямар байдагийг нь үзмээр санагдаад. Тэгсэн ёстой би гэдэг хүн чинь авах юмгүй болжийшд. Шөнөжингөө нэт д суугаад л, өдөржингөө унтаад л, тураад л, барзайгаад л, хүн амьтантай уулзсан чинь хацар ам чинь хонхойцон байна энэ тэр гэжийшд.

Тэгсэн бас хэд хоног халуун ус тасраад гамшиг боллоо ш д. Хүйтэн усанд ингэж ордын энэ тэр гээд урьд нь бичээд байсан хүн чинь байхгүй, өөрөө калтаа насс. Гэр бүлийн дундах байр суурь бол шууд шалдаа буужийшд, хэнбугай нь ч хамаагүй загнаад л, нүд үзүүрлээд л гэсэн ккк. За тэгээд эдийн засгийн асуудал бол хамгийн түрүүнд ниргэж байна ш д. Илүү дутуу гадуур гархаа болиол, зайлшгүй үед гараал аягүй томоожиж байна.

Гэхдээ бас сайн тал байна өө. Мөнгөнд аривч болжийно, зохицуулжийна. Тамхи бага татжийна. За тэгээд бас бус юм ойлгожийно өө. Гэхдээ л би гэдэг хүн чинь гэртээ байхаар ядаргаанд ордог хүн шүү дээ. Хурдан л ажилд орохгүй бол горьгүйнэ. За хадуурций шүү. Тэр яахуу өглөө нэг кино үзлээ. Улаабаатар броадкастинг гэдэг суваг дээр. Юу гэнэ үү ? "Grey's anatomy" гэнэ үү ? нэг тийм эмнэлэг дээр л болоод байгаа үйл явдал гаржийна. Бөөн л гурвалжин, дөрвөлжин юм болжийноо.

Тэгсэн нэг бүсгүй иржийнаа. Өвчтөн гэнээ, зайлуул аваар хийцийн байх. Тэгсэн тэр золиг хүсээгүй байхдаа оргазм болдог гэжийнэ шүү !!! тэгээд өдөр бүр доод тал нь найман удаа. Oh My God юу гэсэн үг вэ ? Эмэгтэй хүн өдөрт доод тал 8 удаа, өөрийн мэдэлгүй, хэзээ ч хамаагүй оргазм болно гэдэг чинь !!! Тэгээд машин барьж явж байгаад оргазм болоод аваар хийцэн байгаан. Тэгээд тэрийгээ хагалгаа хийлгэж эмчлүүлжийшд.

Ямар азаар эмчлүүлсийн тэгээгүй бол хорвоо дээрх хэн нэгэн залуугийн хувьд тун чиг эмгэнэлтэй юм бологүй юу ккк. Күэ нээрээ бүсгүйчүүд ийм байвал залуучууд бид хэд чинь одоо яаанаа айн?

За өөр нэг юм гараатахлаа. Нэг эмч залуу нэг бүсгүй дээр хүрч ирсэнээ ингэжийнээ:

Би бол дотрын хамгийн шилдэг эмч.

Би бол цэвэр ч, сайхан сэтгэлтэй, боловсон залуу.

Би бол нэр хүндтэй, өөрийгөө байнга хөгжүүлдэг.

Харин чи бол бохир, заваан, арчаагүй, өөдгүй, муухай санаатай . . .

Тэхдээ л би чамд хайртай . . .  гэвэл яахуу ????

Үзэж байгаа би инээжийснаа уйлангаа алддаг байна ш д. Тэгээд бодлоо, бас л хайрыг бол лайтай илэрхийлж байна шүү. Ер нь иймэрхүү байдлаар илчилсэн хүн байгаа болов уу? байхгүйдээ кино болохоор л тэгсэн байх тэ ?.